الخطوة الأولى على الطريق ( تحليل البيانات )

  ☝😀الخطوة الأولى على الطريق

أهم خطوة معرفة نوع العمل اللى انت هتعمل له تحليل البيانات وايه نوع البيانات عندك... ليه بقى ؟

لكى تسأل السؤال الصح وتعرف نوع الأداة اللى هتستخدمها (البرنامج المستخدم فى تحليل البيانات).

مثلا فيه شركات بتستعمل اكسيل دائما ف شغلها يبقى خلاص كدا انت المفروض تتعلم اكسيل اول حاجه وتحترفها بقدر ما يتطلب عملك فى البداية وبعد ذلك تطور من نفسك افضل وافضل فى استخدام هذه الأداة .... طيب لو العمل بيخزن البيانات على هيئة داتا بيز باستخدام لغة السيكوال ... يبقى تبدء بتعلم السيكوال وكيفية اخراج المطلوب بيها بإحتراف ... طيب دلوقتى السيكوال لغة تخزين وارجاع بيانات فقط ... طيب عاوز اوضح شغلى على هيئة رسومات بيانية لسهولة عرض البيانات .. يبقى ادخل على تعلم برامج اظهار البيانات او ما يطلق عليها (Visualization Tools) زى ايه ياعمنا ... ممكن تحول الداتا لملفات سى اس فى CSV  وبعد ذلك تقرئها عن طريق برنامج اكسيل (Excel) أو بور بى اى (Power BI )أو تابلوه (Tableau) او غيرهم ..

طيب وبالنسبة للأحصاء والرياضيات ياعمنا... أصل سمعت كتير لازم تكون بتعرف احصاء كويس وعالم فذ فى الرياضيات ... 😓

لا كمان مش محتاج تعرف كل حاجة فيها .. يابنى الأحصاء لوحدها علم لوحده وبحر.... طيب اعمل ايه؟

انت هتتعلم برضوا اللى يتطلبه منك العمل فى البداية زى العمليات الاساسية فى الرياضيات زى الجمع طرح ضرب قسمه اكبر واصغر واعلى نسبة وهكذا على سبيل المثال ... واكيد انت تعرفها ولا مرحتش ابتدائى 😒....  هيطلب منك فى العمل على سبيل المثال : اكبر ايراد الشهر دا هات مجموع عملية ما .. مين اكتر عميل اخد البضاعة دى ... كم واحد اخد البضاعة دى مين اكتر عميل زار الصفحة دى وهكذا هو هو نفس السؤال مع اختلاف نوع الشركة بس الحسبة واحد ... 

هيجى المدير يقولك شوفلنا متوسط المكسب الشهرى للشركة متوسط الوارد الصادر وهكذا .

يبقى مطلوب ايه منك ف الرياضيات والإحصاء الأن فى اكتر الشركات حاجات بسيطة ... المهم الدراية بالأداة اللى بتستخدمها ازاى تطلع العملية الحسابية دى بيها. الاكسل او غيره مثلا بيحتوى على هذه الادوات جاهزة ما بمجرد ما تقولة المتوسط وتشير للحقل اللى انت عاوزه خلاص كدا (average =(data)) خلاص كدا انت جبت المطلوب. متخفش معانا هتعرف اللى بيتطلبه على الأقل من 80 % من شركات اللى بتطلب محللى بيانات.. حاليا انا بقول محللى بيانات (Data Analysts) علشان لو عاوز تعلى بالمستوى هتحتاج تطوير اكتر وحسابات واحصاء متقدمة لو هتشتغل تنبؤء (Forecasting) وتعلم ألة (Machine Learning).

متخفش مع مدونات  (بالعربى) هتحترف علم البيانات.

طيب دا لو انا عرفت هشتغل فين الأول ... هعرف هم بيشتغلوا على ايه واتدرب عليه..

طيب لو لسه فريش وعاوز اشتغل ابدء الطريق ...... اعمل ايه ؟

ابدء بتعلم الأكسيل اغلب الشركات بتستخدمه وخاصة لو كان حجم البيانات مش كتير . اما لو عاوز تشتغل فى شركات ليها افرع كتير واكبر شوية ابدء بلغة السيكوال..... بجانب طبعا معرفة و فهم لبداية الاحصاء مثل الوسط الوسيط الانحراف المعيارى اكبر اصغر وهكذا ... متخفش زى ما قولتلك مع مدونات بالعربى هتتعلم كل شئ ... تابع البوستات أول بأول واشترك هنا مجانى... 

الخلاصة 👂👀

• تحدد هدفك ومستوى العمل اللى بتشتغل فيه حاليا أو اللى حابب تشتغل فيه لان الأدوات كتيرة وهتأخد وقت كبير.
• تبدء فورا فى تعلم الأداة دى ... نصيحة أبدء من على النت مدونات بالعربى ف البداية علشان تعرف انت عاوزه ايه والمطلوب منك ايه.... 
• تابع بوستات مدونات بالعربى أول بأولى ... هتشتغل ف خلال 3 شهور فقط. وكمان هننزل وظائف تضمن المستوى اللى وصلت ليه.
• تابعونا فى البوست القادم>>>>>>  المهارات الشخصية لمحللو البيانات